«Հրազդան» մարզադաշտը կկառուցվի մասնավոր ներդրումների հաշվին

«Հրազդան»-ը մեր հաղթանակների մարզադաշտն է, պատմություն կրող, և այն ունի սեփականատեր, որի հետ 2-3 անգամ հանդիպել ենք, բանակցել. ՀՖՖ հերթական համաժողովի շրջանակում լրագրողների հետ զրույցում ասաց Ազգային անվտանգության ծառայության պետ, Հայաստանի ֆուտբոլի ֆեդերացիայի նախագահ  Արթուր Վանեցյանը:

«Մեծ գումարների մասին է խոսքը, և ֆուտբոլի ֆեդերացիան չի կարող նման գումարներ ներդնել, դա պետք է լինի մասնավոր ներդրող, որը կներդնի այդ գումարները և  կվերակառուցի «Հրազդան» մարզադաշտը: Ներդրող գտնելու ուղղությամբ աշխատանքներ սեփականատերն իրականացնում է, և ասել ենք, որ մենք էլ մեր հերթին կաջակցենք:  Բայց նաև, մասնագետների գնահատմամբ, մարզադաշտն իր տեխնիկական բնութագրով, որքան էլ վերակառուցեն,  չի կարող համապատասխանել նոր ստադիոնի համար պահանջվող միջազգային չափանիշներին: Այսինքն՝ այդտեղ կարող ենք անցկացնել ներքին առաջնություն, բայց չենք կարող ակնկալել, որ Երևանում կանցկացվեն միջազգային առաջնության խաղեր»,- նշեց նա: