«Ահազանգ» նախաձեռնության անդամները՝ Ազգային ժողովի դիմաց. ուղիղ

ՀՅԴ ՀԵՄ «Ահազանգ» նախաձեռնության անդամները դարձյալ բողոքի ակցիա են իրականացնում խորհրդարանի շենքի առջև. նրանք դեմ են եկամտահարկի համահարթեցման սկզբունքին։

Հիշեցնենք` դեռևս անցյալ շաբաթ նախաձեռնության անդամները ԱԺ-ի բակում նստացույց էին իրականացրել` գիշերելով այնտեղ: Նրանք խոստանում են իրենց բողոքի ակցիաները շարունակել այնքան, մինչև ՀՀ խորհրդարանը քննարկի ու քվեարկության դնի Հարկային օրենսգիրքը։

Այսօր խորհրդարանական ընդդիմությունը`  «Բարգավաճ Հայաստան» և «Լուսավոր Հայաստան» խմբակցությունները, հայտարարել են, որ դեմ կքվեարկեն օրինագծին: Ըստ նրանց՝ Հարկային օրենսգրքի բարեփոխումները պահանջում են առարկայական նոր մոտեցումներ, որոնց կիրառմամբ չպետք է խախտվի արդարության սկզբունքը:

Հիշեցնենք նաև, որ «Ահազանգ» նախաձեռնությունը մինչ օրս ԱԺ-ի այգում իրականացրել է «հավերի ակցիան», իսկ կառավարության շենքի առջև՝ «դրամապանակների ակցիա»-ն: