կարևոր
0 դիտում, 5 տարի առաջ - 2019-06-18 19:12
Իրավական

Դատարանը հրապարակեց Քոչարյանի և մյուսների գործով բողոքները. նիստը կշարունակվի հունիսի 19–ին

Դատարանը հրապարակեց Քոչարյանի և մյուսների գործով բողոքները. նիստը կշարունակվի հունիսի 19–ին

Վերաքննիչ քրեական դատարանի դատավոր Արմեն Դանիելյանը Ռոբերտ Քոչարյանի և մյուսների գործով բողոքների քննությանը հրապարակեց դատախազության և տուժող կողմի ներկայացրած բողոքների բովանդակությունը։

Աշխատանքային օրվա ավարտով պայմանավորված այսօրվա դատական նիստը հետաձգվեց. այն կշարունակվի վաղը՝ հունիսի 19–ին, ժամը  9։15–ին։

Հիշեցնենք, որ Երեւանի ընդհանուր իրավասության դատարանի դատավոր Դավիթ Գրիգորյանը մայիսի 18-ին, քննելով Քոչարյանի խափանման միջոցի հարցը, որոշել էր նրան ազատել կալանքից Արցախի Հանրապետության նախկին եւ ներկա նախագահներ Արկադի Ղուկասյանի եւ Բակո Սահակյանի անձնական երաշխավորությամբ:

Երկու օր անց՝ մայիսի 20-ին, դատարանը որոշել էր կասեցնել Ռոբերտ Քոչարյանի, Յուրի Խաչատուրովի, Սեյրան Օհանյանի եւ Արմեն Գեւորգյանի գործի վարույթն ու այն ուղարկել Սահմանադրական դատարան` պարզելու համար այս գործով կիրառման ենթակա ՀՀ քրեական օրենսգրքի 300.1-րդ հոդվածի 1-ին մասի եւ դրա հետ փոխկապակցված ՀՀ քրեական օրենսգրքի 300-րդ հոդվածի 1-ին մասի (մինչեւ 2009 թվականի մարտի 20-ին ընդունված ՀՕ-53-Ն օրենքի ուժի մեջ գտնվելը գործող խմբագրությամբ) համապատասխանությունը ՀՀ Սահմանադրության պահանջներին: ՍԴ–ն էլ օրերս որոշում է կայացրել մեկ ամսով երկարաձգել է Քոչարյանի եւ մյուսների գործով դատավորի դիմումն ուսումնասիրելու ժամկետը։