Քոչարյանի և մյուսների գործով բողոքի քննությունը կշարունակվի հունիսի 14–ին

ՀՀ երկրորդ նախագահ Ռոբերտ Քոչարյանի, Սեյրան Օհանյանի, Յուրի Խաչատուրովի և Արմեն Գևորգյանի գործով` գլխավոր դատախազության, ինչպես նաև տուժողների իրավահաջորդների ներկայացուցիչների բողոքների քննությունն այսօր հետաձգվեց։

Քոչարյանի պաշտպանական խումբը դատարանին դիմեց հարցով՝ ինչպե՞ս է ստացվել, որ քրեական գործը 83 հատորից դարձել է 88 հատոր: Նրանց հետաքրքրում էր՝ որտեղի՞ց և ինչպե՞ս է 5 հատոր ավելացել: Պաշտպանները դատարանին դիմեցին միջնորդությամբ՝ նիստը հետաձգել:

Դատախազները նշեցին, որ նիստը կարելի է հետաձգել մեկ օրով: Այս հիմքով այսօրվա դատական նիստը հետաձգվեց և նշանակվեց հունիսի 14–ին` ժամը 10:30–ին։