Ադրբեջանի ԱԳՆ-ն արձագանքել է ՀՀ ԱԳՆ-ի հայտարարությանը

Ադրբեջանի ԱԳՆ-ն արձագանքել է ՀՀ ԱԳՆ-ի ` ավելի վաղ տարածված հայտարարությանը, որում ասվում էր, որ Ադրբեջանի կողմից հրադադարի շարունակական դատապարտելի խախտումները և սադրիչ գործողությունները, որոնք վերջին օրերին պատճառ են դարձել մարդկային անդառնալի կորուստների և հանգեցրել շփման գծում իրավիճակի լուրջ լարման, ԱԳ նախարարների հանդիպմանն ընդառաջ` ձևավորել են ոչ նպաստավոր միջավայր։

Ադրբեջանի ԱԳՆ-ն հայտարարությունում դարձյալ վրդովմունք  է հայտնում այն կապակցությամբ, որ ՀՀ ՊՆ ղեկավար Դավիթ Տոնոյանը պարգևատրել է հայ զինվորի սպանության վրեժն առած զինծառայողներին. հայտնում է oxu.a-ը:

Ասվում է, որ բանակցությունների կարևորագույն նպատակներից է «օկուպացված տարածքներից» հայկական ԶՈւ-ի դուրսբերումը: «Քանի դեռ հայկական զինված ուժերը պահպանում են իրենց ներկայությունը Ադրբեջանի տարածքում, ավելի կարևոր թեմա բանակցությունների համար չի կարող լինել»,- ասվում է հայտարարությունում: