Թուրքիան քննադատել է Օմանի ծոցում նավթատարների վրա հարձակումը

Թուրքիայի արտաքին գործերի նախարարությունը հայտարարություն է տարածել` երեկ Օմանի ծոցում երկու նավթատար նավերի վրա հարձակումների վերաբերյալ:

«2019 թ. հունիսի 13-ին Օմանի ծոցում երկու նավթատարների վրա հարձակումը քննադատում ենք: Վերջին մեկ ամսվա ընթացքում ծոցի շրջանում առևտրային նավերի` երկրորդ անգամ հարձակումների ենթարկվելը մեզ անհանգստացնում է: Մենք կարևորություն ենք տալիս միջազգային նավագնացության տեսանկյունից ռազմավարական նշանակություն ունեցող ծոցի անվտանգության պահպանմանը»,- նախարարության հայտարարությունն է մեջբերում «Սպուտնիկ»–ի թուրքական ծառայությունը:

Նշենք, որ երեկ հարձակման էին ենթարկվել Front Altair (Նորվեգիա) և Kokuka Courageous (Պանամա) նավերը: