Եթե Հայաստանը վստահ է, թող բացի արխիվները. Չավուշօղլու

Պաշտոնական այցով Թուրքիայում գտնվող` Ֆրանսիայի ԱԳՆ ղեկավար Ժան-Իվ Լե Դրիանի և Թուրքիայի ԱԳՆ ղեկավար Մևլյութ Չավուշօղլուի հանդիպման ժամանակ վերջինս դարձյալ կոչ է արել Հայաստանին` բացել արխիվները:

«Թուրքիայի և Ֆրանսիայի միջև երկկողմ առևտրային ծավալները 14 մլրդ դոլարից 20 մլրդ դոլարի հասցնելու համար աշխատանքներ տանելու ուղղությամբ համակարծիք ենք: Ֆրանսիայում 700 հազար թուրք է ապրում: Տխրությամբ ենք հետևում, որ Ֆրանսիայում և Եվրոպայում ահագնացող ռասիզմն անդրադառնում է նաև նրանց վրա: 1915 թ. դեպքերի վերաբերյալ Ֆրանսիայի որդեգրած պոպուլիստական և քաղաքական դիրքորոշումը կտրականապես մերժում ենք: Ապրիլի 24-ը հիշատակման օր ընդունելը հակասում է Ֆրանսիայի Սահմանադրության ու Մարդու իրավունքների եվրոպական դատարանի որոշումներին: Պոպուլիստական քաղաքականության փոխարեն աշխատանքային խումբ ստեղծելու առաջարկ ունենք: Եթե Հայաստանը վստահ է, որ արդարացի է, թող ընդունի մեր առաջարկը: Թող դրա մեջ լինեն Ֆրանսիան, Ռուսաստանը, ԱՄՆ-ը: Ում Հայաստանը ցանկանա, թող լինեն: Բացենք մեր արխիվները»,- Չավուշօղլուի խոսքերն է մեջբերում Euronews–ի թուրքական ծառայությունը: