ԱՄՆ-ն առաջին պատժամիջոցը կիրառեց Թուրքիայի նկատմամբ

ԱՄՆ-ի և Թուրքիայի միջև ռուսական Ս-400 ՀՕՊ համակարգերի պատճառով առաջացած քաղաքական ճգնաժամի հետևանքով ԱՄՆ-ը դադարեցրել է թուրք օդաչուների` Ֆ-35 կործանիչների ուսումնական ծրագիրը: Պենտագոնը հայտարարել է, որ երկրում գտնվող ոչ մի թուրք օդաչու այլևս օդ չի բարձրանալու. հաղորդում է Euronews-ի թուրքական ծառայությունը:

«Մեր պաշտպանության նախարարությունը գիտի, որ թուրք օդաչուներն այլևս չեն թռչելու Արիզոնայի «Լյուք» ավիաբազայից: Եթե Թուրքիան շարունակի իր այս քաղաքականությունը, մեր դաշնակցի մասնակցությունը Ֆ-35-երի ծրագրերին կամաց-կամաց կնվազեցնենք». – հայտարարել է Պենտագոնի խոսնակ Մայք Էնդրյուզը:

Սակայն հայտարարվել է, որ Ֆլորիդայում գտնվող «Իգլին» ավիաբազայում շարունակվելու է թուրք օդաչուների ուսուցումը:

ԱՄՆ-ը շարունակում է իր այն պնդումները, որ ռուսական Ս-400-ները վտանգ են առաջացնելու Lockheed Martin կազմակերպության կողմից արտադրված Ֆ-35 կործանիչների համար: