Սուրեն Մանուկյանը դատարանի դահլիճից ազատ արձակվեց, նրա նկատմամբ դատարանը կիրառեց տնային կալանք՝ 3 ամիս ժամկետով

Տավուշի մարզի առաջին ատյանի ընդհանուր իրավասության դատարանը որոշեց փոխել ՀՅԴ անդամ, ԱԺ նախկին  պատգամավոր Սուրեն Մանուկյանի նկատմամբ կիրառված խափանման միջոց կալանքը տնային կալանքով՝ 3 ամիս ժամկետով և կիրառել բացակայելու արգելքը։

Դատարանը նաև փոխեց գործով անցնող մեկ այլ մեղադրյալ Թաթուլ Պողոսյանի խափանման միջոց կալանքը՝ տնային կալանքով։
 

Հիշեցնենք, որ դեռևս 2022 թ. օգոստոսի 11-ից քրեական գործ էր հարուցվել և քրեական հետապնդում էր սկսվել ՀՅԴ անդամ, 6-րդ գումարման ԱԺ պատգամավոր Սուրեն Մանուկյանի նկատմամբ: Վերջինս մեղադրվում է խմբի կազմում «Ազատ դեմոկրատներ» կուսակցության նախագահ Խաչատուր Քոքոբելյանի հորը ենթադրաբար առևանգելու և նրա որդիներից առանձնապես խոշոր չափերի գումար ենթադրաբար շորթելու մեջ։