Միասնական ընտրելու որոշում չի կայացվել. Մակունցը`ՍԴ դատավորի թեկնածուի ընտրության մասին

«Իմ քայլը» խմբակցությունը միասնական չի քվեարկելու ՍԴ դատավորի թեկնածու Արթուր Վաղարշյանի օգտին: Այս մասին լրագրողների հետ զրույցում ասաց «Իմ քայլը» խմբակցության ղեկավար Լիլիթ Մակունցը: «Որոշվել է պատգամավորներին թողնել ազատ քվեարկության: Միասնական ընտրելու որոշում չի կայացվել: Չեմ կարող ասել, ինչպիսին կլինեն քվեարկության արդյունքները»,- նշեց նա:

Դիտարկմանը` կարծես, Վաղարշյանին ՍԴ անդամի պաշտոնում ընտրելու ցանկություն չունեն, Մակունցն արձագանքեց. «Արդյունքներն ամփոփելուց հետո նոր կարող ենք խոսել»:

Լրագրողները փորձեցին նաև անձամբ Վաղարշյանից հետաքրքրվել՝ հույսեր ունի՞ ընտրվելու: Նա ասաց, թե մեկնաբանելու ցանկություն չունի, ապա ռեպլիկի տեսքով ընդգծեց. «Պատգամավորների հարցերի մեծ մասը սահմանադրական դատարանի դատավորի և ինձ հետ կապ չունեին»: