ԱՄՆ-ը լրջորեն է տրամադրված թուրք օդաչուների կրթությունը դադարեցելու հարցում. Reuters

Reuters լրատվական գործակալությունը գրում է, որ Վաշինգտոնը լրջորեն մտադրվել է առկախել Ֆ-35  կործանիչների ծրագրի շրջանակներում թուրք օդաչուների կրթությունը. հաղորդում է sozcu.com.tr կայքը:

Գործակալությունն այս մասին հաղորդում է` հիմնվելով Ֆ-35-ների ծրագրում Թուրքիայի դերի վերաբերյալ տեղեկություն ունեցող երկու աղբյուրների վրա, որոնց անունները չի նշում: Ըստ աղբյուրների` ԱՄՆ-ը դեռևս վերջնական որոշում չի կայացրել:

Այս լարվածությունն առաջացել է այն բանից հետո, երբ Թուրքիան հայտարարեց, որ չի պատրաստվում հետքայլ կատարել Ս-400-ների հարցում: Թուրքայի ՊՆ ղեկավար Հուլուսի Աքարը մայիսի 22-ին ասել էր, որ թուրքական անձնակազմը մեկնել է Ռուսաստան` Ս-400-ների օգտագործման հմտություններ ստանալու համար:

Թուրք օդաչուները գտնվում են ԱՄՆ-ի Արիզոնա նահանգի Լյուկ Էյր Ֆորս ռազմաբազայում: Ըստ Reuters-ի` Պենտագոնն ու պետքարտուղարությունը հրաժարվում են այդ թեմայով մեկնաբանություններ տալուց: