Պատրիարքի ընտրության վերաբերյալ գործը վաղը կքննվի Սահմանադրական դատարանում

2010 թ. Պոլսո Հայոց պատրիարք Մեսրոպ Մութաֆյանի առողջության վատթարացմամբ պայմանավորված` մի խումբ փաստաբաններ և իրավապաշտպաններ պատրիարքի նոր ընտրություններ անցկացնելու նպատակով դիմել էին Ստամբուլի նահանգապետարան, սակայն, պատասխան չստանալով, դիմել էին դատարան: Դատարանի կողմից գործը չընդունվելուց հետո` 2014 թ., դիմել էին Բարձրագույն վարչական դատարան (Danıştay), սակայն, այնտեղից էլ պատասխան չստանալով, 2016 թ. դիմեցին Սահմանադրական դատարան. հաղորդում է «Ակօս» թերթը:

Վաղը Սահմանադրական դատարանը կքննի դիմումը, որում նշվում է, որ դատական գործընթացում տեղի են ունեցել կրոնի և խղճի ազատության խախտում ու դատական ոչ արդար գործընթաց:

Մյուս կողմից` Մութաֆյանի մահվանից հետո արդեն սկսվել է պատրիարքի ընտրության գործընթացը: Խնդրո առարկա դիմումները ներառում են 9 տարվա գործընթացները: