Արցախում քննչական կոմիտեի ձևավորումը ևս մեկ քայլ է ժողովրդավարական և իրավական պետություն կառուցելու գործում

Հանդիպմանը  մասնակցած ԱՀ  արդարադատության նախարար Արարատ Դանիելյանն  էլ  մեզ  հետ  զրույցում  ասել է, որ  ԱՀ-ում   քննչական  կոմիտե  ունենալն  անհրաժեշտ  է:

«Մոտ   երեք  ամիս  առաջ   հանրապետության  նախագահը  հանձնարարել է, որ   մշակվի  քննչական  կոմիտեի  մասին  օրենք   և  դրան համապատասխան  օրենքներում   կատարվեն  մի  շարք  փոփոխություններ:  Դրանք  առաջին  հերթին  ուղղված  կլինեն  մարդու  իրավունքներին  և  ազատությունների պաշտպանությանը: Ստեղծելով    քննչական  կոմիտե՝   մենք  կունենաք  արտագերատեսչական   մի  մարմին, որը  ինքնուրույն  դերակատարությունը կունենա:  Բոլոր   քննիչները,  որոնք   կան  տարբեր  գերատեչություններում,    այսուհետ   կաշխատեն   կոմիտեի  կազմում: Նրանք հնարավորություն  կունենան  այդ  քննությունն ավելի  անկողմնակալ  իրականացնելու:   Արդեն պատրաստ  է  քննչական  կոմիտեի   մասին  օրենքի  նախագիծը: Այն  մշակելու  ժամանակ  մենք   խորհրդակցել  ենք    ՀՀ  քննչական  կոմիտեի   աշխատակիցների  հետ:  Նաև    շուրջ  20  օրենքներում   կատարում ենք   փոփոխություններ: Օրենքն առաջիկայում  կներկայացվի   Ազգային  ժողով: Նախատեսվում է  օրենքն  ուժի  մեջ  մտցնել  հուլիսի  1-ից»,-ավելացրել է  Ա.  Դանիելյանը: