Տակը բան պիտի լինի, որ հնարավոր լինի ինձ մանդատից զրկել. Ծառուկյանը՝ ՀՔԾ ուղարկված հաղորդման մասին

«Բարգավաճ Հայաստան» կուսակցության նախագահ Գագիկ Ծառուկյանի վերաբերյալ «Քաղաքացու որոշում» կուսակցության ներկայացրած` հանցագործության մասին հաղորդումն ուղարկվել է Հատուկ քննչական ծառայություն. այսօր խորհրդարանում լրագրողների հետ ճեպազրույցում հայտնեց ՀՀ գլխավոր դատախազ Արթուր Դավթյանը։

Ինքը՝ Գագիկ Ծառուկյանը, այդ փաստին անդրադառնալով, լրագրողներին ասաց, որ իրեն մանդատից զրկելու հիմքեր չկան: «Տակը բան պիտի լինի, որ հնարավոր լինի, իսկ էն որ բողոքով դիմել են, պարտավոր են ընթացք տալ, լսել՝ ըստ օրենքի, ըստ Սահմանադրության»,- նշեց նա:

Հակադարձմանը` Ձեր ելույթներն են հիմք հանդիսանում, երբ ասում եք, որ բիզնեսով եք զբաղվում, Ծառուկյանը չպատասխանեց՝ խոստանալով ավելի ուշ դրան անդրադառնալ: