Մեծ Բրիտանիայի բանկերը հրաժարվել են Վենեսուելային վերադարձնել 80 տոննա ոսկի

Մեծ Բրիտանիայի բանկերը հրաժարվել են Վենեսուելային վերադարձնել Բոլիվիայի Հանրապետության պահուստներից  80 տոննա ոսկի: Այս մասին  հայտարարել է ՌԴ գլխավոր հետախուզական վարչության պետ, փոխծովակալ Իգոր Կոստյուկովը. հայտնում է investingacad.com-ը:

«Մեծ Բրիտանիայի  բանկերը հրաժարվել  են վերադարձնել 80 տոննա վենեսուելական ոսկին», - նշել է փոխծովակալը` հավելելով. «Միջազգային ակտիվները փոխանցվում են վենեսուելական ընդդիմության վերահսկողության տակ»:

Հավելենք, որ դեռևս հունվարի վերջին Անգլիայի բանկը մերժել էր Նիկոլաս Մադուրոյի` այնտեղ պահվող ոսկու սալիկները վերադարձնելու պահանջը, որոնց ընդհանուր արժեքը գնահատվում է  1.2 միլիարդ ԱՄՆ դոլար: Ըստ ԶԼՄ-ներում տարածված մի շարք տվյալների՝ որոշումն ընդունվել է ԱՄՆ պետքարտուղար Մայք Պոմպեոյի և ԱՄՆ նախագահի ազգային անվտանգության հարցերով խորհրդական  Ջոն Բոլթոնի առաջարկով: