Ֆրանսիացիները, հայերին զինելով, կոտորել են թուրքերին. Թուրքիայի ԱԳՆ

Թուրքիայի արտաքին գործերի նախարարության մամլո խոսնակ Համի Աքսոյը հայտարարություն է տարածել, որում մեղադրում է հայերին և ֆրանսիացիներին թուրքերին կոտորելու մեջ:

«Հայաստանի խոսնակի օգտագործած արտահայտությունները ցույց են տալիս պետական մոտեցման բացակայություն: Հայաստանի արխիվները բաց չեն, միայն հայկական պնդումները հիմնավորող մասն է բաց:  Էջմիածնի Հայոց կաթողիկոսարանի, Երուսաղեմի Հայոց պատրիարքարանի և Բոստոնում պահվող` Դաշնակցություն կուսակցության արխիվները բաց են միայն նրանց համար, ովքեր ներկայացնում են միայն հայկական անհիմն պնդումները, իսկ մնացածի համար փակ են: Եթե հայերը համարձակություն ունենան բացելու արխիվները, իրականությունը ջրի երես դուրս կգա: Ցավոք, Հայաստանը խաբում է ոչ միայն ամբողջ աշխարհին, այլև սեփական երիտասարդությանը:

Երբեք չենք մոռանա Մակրոնի` ապրիլի 24-ը հիշատակի օր հայտարարելու որոշումը: Ֆրանսիայի նախագահի կիրառած ծանր արտահայտությունները պատասխան կստանան: Ֆրանսիացիներն ունեն պատասխանատվություն, մեկ դար առաջ հայերին զինելով, թուրքերին կոտորելու մեջ»,- Աքսոյի խոսքերն է մեջբերում sabah.com.tr կայքը: