Սոցինտերնը կոչ է անում զորակցել բելառուս ընդդիմադիր գործիչ Ստատկևիչին

Սոցինտերնը հայտարարությամբ է հանդես եկել Սոցինտերնի անդամ բելառուսական «Նարոդնայա գրամադա» կուսակցության ղեկավար, Սոցինտերնի Կովկասի, ԱՊՀ-ի և Սև ծովի շրջանային հանձնախմբի համանախագահ Միկոլայ Ստատկևիչի ձերբակալության կապակցությամբ. ապրիլի 9-ին նա դատապարտվել է 15 օրվա ազատազրկման` սոցիալական ցանցերում ստալինյան բռնաճնշումների զոհերի համար աղոթելու կոչ ուղղելու համար:

Սոցինտերնը հիշեցնում է, որ Բելառուսի նախագահ Ալեքսանդր Լուկաշենկոն հրամայել է վերացնել փայտե խաչերը, որոնք դրված են եղել Կուրապատիի հուշակոթողի մոտ, որտեղ գտնվում են 1930-1940-ականներին սպանվածների գերեզմանները:

Սոցինտերնը հիշեցնում է նաև, որ 2010թ. Ստատկևիչը նախագահի թեկնածու էր և դատապարտվել էր ավելի քան 5 տարի ազատազրկման ընտրություններից հետո բազմամարդ ցույցերի ժամանակ արված հայտարարությունների համար: Նա Բելառուսի ընդդիմության գլխավոր դեմքն է և 2020-ին նախատեսված նախագահական ընտրություններում թեկնածու:

Սոցինտերն իր բոլոր անդամներին կոչ է անում սատարել Բելառուսի, Արևադարձային Գվինեայի եւ Չադի` Սոցինտերնի անդամներին, ինչպես նաեւ բռնատիրական այլ վարչակարգերի տակ կքող անդամներին, որոնք իրենց դերակատարումն ունեն իրենց երկրներում ժողովրդավարական ապագան ապահովելու գործում: