Վրաստանում ֆեյք էջերը հակահայկական տրամադրություններ են տարածում

Վրաստանում սոցիալական ցանցերում տարածվում են ֆեյսբուքյան փոստեր, որոնք նպատակ ունեն հակահայկական տրամադրություններ տարածել հասարակության շրջանում: Այդ մասին գրում է վրացական apsny.ge-ն:

Նշվում է, որ ֆեյք էջերը փորձում են մոլորության մեջ գցել վրացիներին այնպիսի թեմաներով, ինչպիսիք են` վրացական ավանդույթները, հարենասիրությունը, վրացական խոհանոցը, ազգային արժեքները և այլն: Օրինակ, «Ավանդույթները` մեր հարստությունն են» ֆեյք էջը տեղեկացրել է, որ "I Love Armenia" էջում իբր տեղադրվել է խինկալիի լուսանկար և նշվել, որ այն հայկական ազգային ուտեստ է:

Սուտ տեղեկություն տարածող էջերի գործունեությանը հետևում է «Երկխոսության հարթակ»-ը, որի ղեկավարն է Գեորգի Թումասյանը: Նրա կարծիքով` նման տրամադրություններ տարածելը ձեռնտու է միայն արտաքին ուժերին: