Հակահայկական հիստերիան Վրաստանում նոր թափ է ստանում

Վրաստանում բարձրանում է հակահայկական հիստերիայի հերթական ալիքը:

Ինչպես տեղեկացնում է armtoday.info-ն, Վրաստանի Լեյբորիստական կուսակցության ղեկավար Գիորգի Գուգավան երեկ հայտարարել է, որ Վրաստանի որոշ շրջաններում պատրաստվում են պետական կարգավիճակ տալ հայերեն, ադրբեջաներեն եւ այլ լեզուների:

«Ամերիկայում հայկական լոբբի առաջադրանքով եւ Սահակաշվիլիի դավաճան ավազակախմբի ձեռքով պատրաստվում են ընդունել եւս մեկ ապազգային որոշում, որի նպատակը մեր երկիրը կազմաքանդելն է: Բոլոր այն պատգամավորները, որոնք կքվեարկեն այդ օրենքի օգտին, Վրաստանի պատմության մեջ կմտնեն որպես հայրենիքի դավաճաններ»,- հայատարարել է նա:

Գուգավայի խոսքերով` «իշխանությունների ծրագրի իրականացման դեպքում տվյալ շրջաններում կրթությունը, դատական նիստերը, վարչական եւ քաղաքացիական հարաբերություններն այլեւ վրացերենով չեն կատարվի»: