Մեր առաջարկն է` հասարակություններին պատրաստել խաղաղության, այլ ոչ թե պատերազմի. Նիկոլ Փաշինյան

Այս պահին Ֆրանսիայի Ստրաբուրգ քաղաքում, որը համարվում է Եվրախորհրդի պաշտոնական նստավայրը, ՀՀ վարչապետ Նիկոլ Փաշինյանը և ԵԽ գլխավոր քարտուղար Թյորբյորն Յագլանդն իրենց հանդիպումից հետո պատասխանում են լրագրողների հարցերին: 

ՀՀ վարչապետը նախևառաջ անդրադարձավ օրերս ՀՀ պաշտպանության նախարար Դավիթ Տոնոյանի հայտարարությանը, Փաշինյանը մասնավորապես նշեց. «Ես չեմ կարծում, որ այստեղ կա հակասություն: Սա իրավիճակի մեկնաբանման խնդիր է, քանի որ դուք գիտեք, որ մեր միակ առաջարկը միմյանց ուժով սպառնալը դադարեցնելն է: Մենք կարիք ունենք սպառնալիքի կիրառումը դադարեցնել: Մեր առաջարկն է`  հասարակություններին պատրաստել խաղաղության, այլ ոչ թե պատերազմի: Մենք հույս ունենք, որ Ադրբեջանի մեր գործընկերները կքննարկեն սա, և երբ նրանք անեն դա, մենք կունենանք ամբողջովին այլ իրավիճակ»:

Հավելենք նաև, որ աշխատանքային այցով Ստրասբուրգում գտնվող ՀՀ վարչապետ Նիկոլ Փաշինյանն այսօր ելույթով հանդես կգա Եվրոպայի խորհրդի Խորհրդարանական վեհաժողովի գարնանային նստաշրջանի լիագումար նիստում։