Փաշինյանը դեռ չի ստացել «Ի՞նչ կարող են նշանակել Մադրիդյան սկզբունքները» հարցի պատասխանը

Այսօր ԵԿՄ 12-րդ համագումարում ելույթ ունենալով ՀՀ վարչապետ Նիկոլ փաշինյանը անդրադարձավ Մադրիդյան սկզբունքներին:

Որպես բանակցություններին նոր ներգրավված մարդ, հարց է առաջադրել՝ ի՞նչ կարող են նշանակել Մադրիդյան սկզբունքները։ Փաշինյանի խոսքով` ինքը այդպես էլ հստակ չի ստացել հարցի պատասխանը Վիեննայում

«Միայն այն բանից հետո, երբ կստանամ այդ հարցի շատ հստակ պատասխանը, հստակ կհայտարարենք՝ որքանով են ընդունելի կամ անընդունելի այդ սկզբունքները: Ասվում է,  Մադրիդյան սկզբունքների ամենակարևոր առավելությունն այն է, որ կողմերից յուրաքանչյուրը ինչպես ուզում է, մեկնաբանում է: Իսկ ես ասում եմ, որ դա անլրջացնում է ողջ բանակցային գործընթացը: Իսկ անլրջացումը սպառնում է ոչ թե մեկ կողմին, այլ ամբողջ գործընթացին», – ասաց Փաշինյանը, որպես օրինակ հավելելով, որ երկու պետությունների ղեկավարները համաշխարհային հանրության ուշադրության ներքո հանդիպում են, և սենյակից դուրս գալուց հետո այդ երկու պետությունների ղեկավարների պատմածները տրամագծորեն տարբերվում են իրարից։