Ընտրություններում պարտված թուրք քաղաքապետը աշխատանքից ազատել է 300 աշխատակցի

Իզմիր նահանգի Քեմալփաշա քաղաքի քաղաքապետ, իշխող ԱԶԿ-ի անդամ Արիֆ Ուղուրլուն մարտի 31-ի ՏԻՄ ընտրություններում պարտվել էր ընդդիմադիր Հանրապետական-ժողովրդական կուսակցության թեկնածու Ռըդվան Քարաքայալըին: ԱԶԿ-ն բողոքարկել էր ընտրության արդյունքները, սակայն ոչ մի փոփոխություն տեղի չի ունեցել:

Դեռևս քաղաքապետի լիազորության ժամկետում գտնվող Ուղուրլուն, վրեժ լուծելով իր աշխատակիցներից, հեռացրել է 375 աշխատակցից 300-ին. տեղեկացնում է evrensel.net կայքը:

Քաղաքապետարանը հրաժարվել է որևէ բացատրություն տալուց:

ԱԶԿ-ն Իզմիր նահանգի 5 շրջաններում, այդ թվում` Քեմալփաշայում պարտվել էր իր գլխավոր մրցակցին` ՀԺԿ-ին: