Ապրիլի 3-ից կմեկնարկի մաքսային ծառայության թափուր պաշտոնները համալրելու մրցույթի հարցազրույցի փուլը

Հայտնում ենք, որ 2019 թվականի ապրիլի 3-ին, 4-ին և 5-ին  տեղի  կունենա Պետական եկամուտների կոմիտեի մաքսանենգության դեմ պայքարի վարչության թափուր պաշտոնները համալրելու համար մրցույթի  հարցազրույցի փուլը: Հարցազրույցը տեղի կունենա ք. Երևան, Խորենացի 7 հասցեում, ժամը՝ 9.30-ից:

Նշենք, որ մինչ հարցազրույցի անցկացումը, մարտի 28-ին և 29-ին կայացել էր Մաքսանենգության դեմ պայքարի վարչության թափուր պաշտոնները համալրելու համար մրցույթի առաջին՝ թեստավորման փուլը: Թեստավորման փուլի անցողիկ շեմը հաղթահարած մասնակիցներն անցել են երկրորդ փուլ՝ մասնակցելու արդեն հարցազրույցի, որի վերաբերյալ լրացուցիչ տեղեկատվությունը սահմանված կարգով նախապես հրապարկվել է ՊԵԿ պաշտոնական կայքէջի «Աշխատատեղեր» բաժնում:

Միաժամանակ ՊԵԿ հարկային և մաքսային ծառայությունների մրցութային և ատեստավորման հանձնաժողովը ԶԼՄ ներկայացուցիչներին և դիտորդներին հրավիրում է ներկա գտնվել թափուր պաշտոնները համալրելու մրցույթի հարցազրույցի փուլին: