Մեկնարկեց ՄԻԵԴ դատավորի պաշտոնում ՀՀ-ի կողմից առաջադրված թեկնածուների հարցազրույցի փուլը

Քիչ առաջ մեկնարկեց Մարդու իրավունքների եվրոպական դատարանի դատավորի պաշտոնում ՀՀ կողմից առաջադրված թեկնածուների ընտրության հարցազրույցի փուլը:

Մինչ հարցազրույցին անցնելը Սահմանադրական դատարանի նախագահ, մրցութային հանձնաժողովի նախագահ Գագիկ Հարությունյանն ասաց, որ երեկ ստացվել է հավակնորդներից Վահե Գրիգորյանի դիմումը, որը հարցադրումներ է պարունակում: Նա նշեց, որ, հանձնաժողովի որոշմամբ, ոչ տեղին ու նպատակահարմար է համարվել կրկին անդրադարձն այն հարցերին, որոնք վերաբերում են 2014-ի սեպտեմբեր-հոկտեմբեր ամիսներին անցկացված առաջին մրցույթին:

Նշենք, որ ՄԻԵԴ դատավորի պաշտոնում ՀՀ-ի կողմից հարցազրույցի փուլ է անցել 14 անձ:

Այսօրվա հարցազրույցի առաջին մասնակիցը 2008թ. ՀՀ վերաքննիչ քաղաքացիական դատարանի դատավոր Ստեփան Միքայելյանն էր, նրան հաջորդեց նախկին ՄԻՊ Արմեն Հարությունյանը: Այժմ հանձնաժողովի անդամների հարցերին է պատասխանում ՀՀ Վճռաբեկ դատարանի դատավոր Ելիզավետա Դանիելյանը: