Բրիտանացին աղբանոցում գտել է Չերչիլի սիգարը, սիգարի տուփն ու ցիլինդրը. 10 հազար ֆունտ սթերլինգ պարգևատևում է ստացել

Բրիտանացի Դևիդ Ռոուզը աղբանոցում, որտեղ աշխատում է շուրջ 15 տարի, գտել է ցիլինդր, սիգար և ծխախոտատուփ, որոնք պատկանել են Մեծ Բրիտանիայի նախկին վարչապետ Ուինսթոն Չերչիլին: Այս մասին տեղեկացնում է Daily Mail-ը:

Նա գտել է նաև քաղաքական գործչի մակագրությամբ լուսանկար և նրա անձնական խոհարարի 200 նամակները, որոնք նա ամեն օր գրել է որդուն:  Այդ նամակներում նա պատմել է վարչապետի ամենօրյա կյանքի մասին:

Դևիդ Ռոուզն իր գտածի մասին պատմել է BBC հեռուստաալիքի եթերում, որի ժամանակ փորձագետները գնահատել են նրա ներկայացրած հնաոճ իրերը: Նրանք հաստատել են գտնված իրերի իսկությունը՝ ընդհանուր առմամբ, դրանք գնահատելով 10 հազար ֆունտ սթերլինգ:

Պահպանողական կուսակցության անդամ Ուինսթոն Չերչիլը Միացյալ Թագավորության վարչապետի պաշտոնը զբաղեցրել է 1940-1945, այնուհետև` 1951-1955 թվականներին:

Լրատվամիջոցը մանրամասնում է` սիգարը վարչապետի բրենդն էր, որի շնորհիվ հասարակությունը նրան ճանաչում էր: 1947 թվականին ճողվածքի վիրահատությունից առաջ նա ծխելը թողել էր՝ բարդություններից խուսափելու նպատակով: Չնայած այս ամենին` ելույթներից մեկից առաջ Չերչիլը հատուկ վառել էր սիգարը՝ ուղեկցողներին ասելով, որ հանրությունը կսպասի իր  բրենդին, և նրանց հիասթափեցնել չի կարելի: