Նվազագույն կենսաթոշակի չափը չի կարող ցածր լինել 25 500 դրամից. Արսեն Դավթյան

ՀՀ Ազգային ժողովի առողջապահության և սոցիալական հարցերի մշտական հանձնաժողովում այս պահին քննարկվում է նվազագույն կենսաթոշակի հարցը: Առողջապահության փոխնախարար Արսեն Դավթյանը զեկուցեց, որ «այն, ըստ կառավարության ծրագրի, չի կարող ցածր լինել պարենային` ծայրահեղ աղքատության գծից, այսինքն՝ 25 500 դրամից», ապա հավելեց, որ Հայաստանում մոտ կես միլիոն կենսաթոշակառուղ կա, 17 հազարից ավելի թոշակառուների ստացած գումարը ցածր է ծայրահեղ աղքատության շեմից։ «Կառավարության ծրագրային դրույթներից է առաջին հերթին հենց ծայրահեղ աղքատությունը վերացնելը»,- նշեց փոխնախարարը:

Դավթյանը մանրամասնեց նաև, որ 2018 թվականին սոցիալապես խոցելի խմբերի շուրջ 230 000 քաղաքացիների համար ընդյալնվել է որակյալ բուժօգնության տրամադրման շրջանակը, մասնավորապես` 15 հազար բուժաշխատողի համար ձեռք է բերվել առողջապահության ապահովագրական փաթեթ:

«2018 թվականի օգոստոսի 1-ից տնտեսված միջոցների հաշվին 25-30 տոկոսով ավելացել են ամբուլատոր և պոլիկլինիկական բուժաշխատողների աշխատավարձերը, ինչը շարունակվել է և 2019-ի հունվարից ավելացել ևս 15 տոկոսով»,-ընդգծեց նա:

Ըստ փոխնախարարի` Սևանի և Արտաշատի բժշկական կենտրոններն անցած տարի հիմնանորոգվել են և հանձնվել շահագործման, իսկ Վանաձորի բժշկական կենտրոնը համալրվել է ժամանակակից տեխնիկայով: