Սերբիան չի ցանկանում անդամակցել ՆԱՏՕ-ին. երկրի նախագահ

Սերբիան չի ցանկանում  անդամակցել ՆԱՏՕ-ին և մտադիր է վճռականորեն հավատարիմ մնալ ռազմական չեզոքությանը: Այդ մասին հայտարարել է Սերբիայի նախագահ Ալեքսանդր Վուչիչը` ելույթ ունենալով Հարավսլավիայում ՆԱՏՕ-ի ագրեսիայի զոհերի հիշատակին նվիրված միջոցառմանը. հայտնում է РБК-ն:

«Սերբիայի ժողովուրդը չի ցանկանում ՆԱՏՕ-ին անդամակցել: Ռազմական չեզոքությունը մեր բնական ընտրությունն է»,- ասել է նա:

Սերբիայի Նիշ քաղաքում մարտի 24-ի երեկոյան տեղի է ունեցել զանգվածային ակցիա` նվիրված 1999 թվականին Հարավսլավիայում ՆԱՏՕ-ի ագրեսիայի զոհերի հիշատակին:  20 տարի առաջ ՆԱՏՕ-ն և  ԱՄՆ-ը մարտի 24-ից հուլիսի 10-ը ռմբակոծում էին Բելգրադը։