Թրամփը պայմանավորվածություն չի ունեցել Ռուսաստանի հետ. հետաքննությունն ավարտվեց

Արդեն տեղեկացրել ենք, որ Միացյալ Նահանգների հատուկ դատախազ Ռոբերտ Մյուլլերն ավարտել է 22 ամիս տևած իր հետաքննությունը, որը պետք է պարզեր` արդյո՞ք Ռուսաստանը միջամտել է 2016-ին գերտերությունում անցկացված նախագահական ընտրություններին:

РИА Новости-ն հայտնում է, որ Մյուլլերն ապացույցներ չի գտել, որ ԱՄՆ ներկայիս նախագահ Դոնալդ Թրամփը և նրա թիմը պայմանավորվածություն են ունեցել Ռուսաստանի հետ 2016-ի նախընտրական արշավի ժամանակ: Այսպես` Թրամփի թիմը կապ չի ունեցել Դեմոկրատական կուսակցության անդամների համակարգիչները կոտրելու հետ: Այդ հարցում, ըստ Մյուլլերի, մեղավոր են ռուսական իշխանություններին ենթարկվող հաքերները: