Քննարկվում են Պուտինի այցի ժամկետները. Փաշինյանը` ТАСС-ին

ՀՀ վարչապետ Նիկոլ Փաշինյանն ակնկալում է, որ ՌԴ նախագահը կայցելի Երևան, իսկ ինքը` Մոսկվա: Այդ մասին նա Բրյուսելում պատմել է ТАСС-ի թղթակցին:

Փաշինյանը տեղեկացրել է, որ երկու երկրները ներկայումս քննարկում են այցերի ժամկետները: «Վերջին քննարկումը եղել է  մեկ շաբաթ առաջ. ես խոսել եմ հեռախոսով ՌԴ նախագահի հետ,  մենք քննարկել ենք այդ հարցը զրույցի ընթացքում: Եվ մեր աշխատկազմերը քննարկում են դա այժմ»,- ասել է նա:

Բացի այդ` Փաշինյանը ծրագրում է մոտ ժամանակներս հանդիպել ՌԴ վարչապետ Դմիտրի Մեդվեդևի հետ: Նա հիշեցրել է, որ ապրիլի 29-ին Երևանում կկայանա ԵՏԱՄ միջկառավարական խորհրդի նիստը, ծրագրվում է Մեդվեդևի այցը Երևան: