Թուրքիայի տնտեսությունը 2018 թ. անկում է գրանցել

Ամերիկյան Reuters լրատվական գործակալությունը տարբեր երկրների տնտեսությունների վիճակի վերաբերյալ հարցում է իրականացրել շուկայագետների և տնտեսագետների շրջանում:

19 վերլուծաբանների ուսումնասիրության համաձայն՝ 2018 թվականի վերջին քառորդում Թուրքիայի տնտեսությունն ունեցել է  2.7 % անկում, նշվել է, որ սպասված 2.55 % տնտեսական աճ չի գրանցվելու. հաղորդում է BBC-ի թուրքական կայքը:

Կառավարությունը 2018 թ. սեպտեմբեր ամսին նախատեսել էր 3.8 տոկոս աճ:  2018-ին թուրքական լիրան ամերիկյան դոլարի նկատմամբ արժեզրկվել է մոտ 30 տոկոսով: Իսկ անցյալ տարվա հոկտեմբեր ամսին երկրում գրանցվել է վերջին 15 տարվա ամենաբարձր գնաճը՝ 25 տոկոս:

Անցյալ տարվա առաջին քառորդում արձանագրվել էր 7.2, իսկ 2-րդ եռամսյակում` 5.3 տոկոսանոց աճ: