27 տարին լրացած և զինծառայություն չանցած անձինք կշարունակեն վճարել գումարն ու վերադառնալ Հայաստան

Զինծառայություն չանցած և մինչև 2019-ի մարտի 1-ը  27 տարին լրացած անձինք կարող են սահմանված կարգով վճարում կատարել և, քրեական հետապնդումից ազատվելով, վերադառնալ Հայաստան:

Այսօր խորհրդարանում, ներկայացնելով «Սահմանված կարգի խախտմամբ պարտադիր զինվորական ծառայություն չանցած քաղաքացիների մասին» օրենքում փոփոխություններ կատարելու մասին նախագիծը, «Լուսավոր Հայաստան» խմբակցության անդամ Գևորգ  Գորգիսյանը նշեց. «Ըստ Քրեական օրենսգրքի 327 հոդվածի 1-ին կետի` Հայաստանում 2019-ի հունվարի 1-ի դրությամբ կա զինծառայություն չանցած 10 940 հետախուզվող»:

Մինչ այս` օրենքով սահմանված կարգով վճարում կարող էին անել և Հայաստան վերադառնալ մինչև 2017-ի դեկտեմբերի 1-ը 27 տարին լրացած, զինծառայություն չանցած անձինք:

Նախագիծը հավանության արժանացավ: