Զոհրաբյանը համամիտ է` ՀՀ-ԵՄ համաձայնագրի վավերացման քայլերը բավարար չեն

Բավական  հանգամանալից  քննարկում  ենք  ՀՀ-ԵՄ  ճանապարհային  քարտեզի  հետ առնչվող  հարցեր. խորհրդարանում լրագրողների հետ զրույցում ասաց ԲՀԿ խմբակության ղեկավար  Նաիրա  Զոհրաբյանը։

«Որպես  ՀՀ-ԵՄ  միջգերատեսչական  աշխատանքային  խմբի անդամ՝  կարող  եմ ասել,  որ  մենք  բավականին  հանգամանալից  քննարկում  ենք  ճանապարհային  քարտեզը, որը պետք է  հաստատվի  առաջիկայում։  Պիտի  ասեմ,  որ,  ըստ էության,  ճանապարհային քարտեզի  աշխատանքները  կարելի  է  համարել  ավարտված»,- հայտնեց նա:

Դիտարկմանը,  թե  արտախորհրդարանական  ուժերը  պնդում  են,  որ  ՀՀ-ԵՄ համաձայնագրի  վավերացմանն ուղղված  քայլերը  բավարար  չեն,  Զոհրաբյանը  համաձայնեց, ապա  ասաց  նաև,  որ  դիվանագիտական ներկայացուցչությունները  պետք  է  ավելի  ակտիվ աշխատեն։

«Գիտեք,  որ  մայիսին Եվրապառլամենտի  ընտրություններ  են  նախատեսված,  և  չեմ կարծում,  որ  այդ  տասից ավելի  երկրները,  որոնք չեն  վավերացրել  պայմանագիրը,  իրենց խորհրդարանական  ընտրությունները  թողած, մտածեն  ՀՀ-ԵՄ  համաձայնագրի  մասին»,- ասաց պատգամավորը: