Փոխարժեքներ
28 10 2024
|
||
---|---|---|
USD | ⚊ | $ 387.25 |
EUR | ⚊ | € 419.2 |
RUB | ⚊ | ₽ 4.01 |
GBP | ⚊ | £ 502.92 |
GEL | ⚊ | ₾ 141.79 |
Կառավարությունն իր այսօրվա նիստում մերժեց «Լուսավոր Հայաստան» խմբակցության օրենսդրական նախաձեռնությունը, որի համաձայն` խորհրդարանական վերահսկողություն պիտի իրականացվի դիվանագետների նշանակման հարցում:
ՀՀ արտաքին գործերի փոխնախարար Գրիգոր Հովհաննիսյանը նշեց, որ մերժել են ընդդիմադիր խմբակցության առաջարկությունը մի քանի պատճառներով: Նախարարության եզրակացության մեջ հղում է արվում «Դիվանագիտական ծառայության մասին» օրենքին, ըստ որի` դիվանագիտական ներկայացուցչին նշանակում և հետ է կանչում հանրապետության նախագահը՝ վարչապետի առաջարկությամբ, ինչը բխում է Սահմանադրության պահանջներից, և չի նախատեսում ընթացակարգային կամ քննարկման այլ փուլ, քան վարչապետի կողմից նախագահին առաջարկություն ներկայացնելը։
«Դիվանագիտական ներկայացուցիչների նշանակման գործընթացում խորհրդարանի ներգրավվածության օրենսդրական պահանջի գաղափարը կարող է քննարկվել միայն սահմանադրական փոփոխությունների և իշխանության ճյուղերի լիազորությունների տրամաբանության փոխակերպման համատեքստում»,- ասաց փոխնախարարը։