Աննա Հակոբյանն այցելել է հայոց ազգային «Արաքս» դպրոց

Աննա Հակոբյանը, ՀՀ վարչապետ Նիկոլ Փաշինյանի պատվիրակությանն ընկերակցելով, ժամանել է Թեհրան: Նա իր աշխատանքային օրակարգի առաջին այցը կատարել է հայոց ազգային «Արաքս» դպրոց, որտեղ նրան դիմավորել են կրթության նախարարության շրջանի ներկայացուցիչը, դպրոցի տնօրենը, ծնողական խորհրդի ներկայացուցիչներն ու աշակերտությունը:

Աննա Հակոբյանը, այցելելով կրթօջախի տարբեր հատվածներ, ծանոթացել է աշակերտներին կրթելու` կիրառվող մեթոդներին, ինչպես նաև հայապահպանմանն ուղղված ծրագրերի իրականացմանը:

Նա կարևորել է սփյուռքյան գաղթօջախներում կատարված նման աշխատանքները և գնահատել իրանահայության երկարամյա փորձն այդ ուղղություններում:

Լուսանկարները՝ «ACE film»-ից