Տրանսպորտային ցանցը ծայրահեղ վատ վիճակում է. Մարության

Երևանի տրանսպորտային ցանցը ծայրահեղ վատ վիճակում է. այսօր լրագրողների հետ ճեպազրույցում ասաց ՀՀ քաղաքապետ Հայկ Մարությանը` ընդգծելով, որ միկրոավտոբուսները 15 տարուց ավելի շահագործելու իրավունք չկա:

Նա ասաց, որ հաջորդ տարի 450 միկրոավտոբուս պետք է հանեն ցանցից, այն դեպքում, երբ օրական մոտ 900 միկրոավտոբուս է սպասարկում Երևանը: Այսինքն՝ ուղիղ կեսը չի կարողանա աշխատել:

Մարությանն ասաց, որ այս պահին հրատապ կերպով փորձում են լուծել խնդիրները, և նախատեսված է, որ նոր ցանցը պատրաստ կլինի երկու տարի հետո, բայց հիմա քաղաքապետարանի խնդիրն է հասկանալ՝ ի՞նչ անել այդ երկու տարում: «Այս երկու տարվա համար ոչ մեկը ներդրում չի ուզում անել: Այստեղ տարբեր լուծումներ կան, և այդ ճանապարհներն այս պահին քննարկում ենք: Կգանք հարցի ամենաօպտիմալ լուծմանը»,- ասաց նա: