ԱՄՆ-ն արագացնում է Մանբիջի վերաբերյալ ճանապարհային քարտեզի իրականացումը. Չավուշօղլու

Սիրիայի հյուսիսային Մանբիջ քաղաքում գործողության ճանապարհային քարտեզի իրականացումն արագացել է, քանի որ ԱՄՆ-ը փոխել է իր վերաբերմունքն այդ ամենի նկատմամբ: Թուրքական hurriyetdailynews.com-ի տեղեկացմամբ` այդ մասին փետրվարի 6-ին հայտարարել է Թուրքիայի արտգործնախարար Մեւլութ Չավուշօղլուն:

«Անցյալի համեմատ`  այդ գործընթացն արագացել է: Մասնավորապես` ԱՄՆ-ի վարչակազմը եւ պետքարտուղարությունը  պահանջում են անմիջապես իրականացնել այդ ճանապարհային քարտեզը», - ասել է նախարարը Վաշինգտոնում թուրքական մամուլի ներկայացուցիչներին:

Հարկ է նշել, որ Թուրքիան, ԱՄՆ-ը և Եվրամիությունը Մանբիջի քրդական միավորումները համարում են ահաբեկչական, թեև ԱՄՆ-ը նրանց զենք էր տրամադրում ընդդեմ «Իսլամական պետության» զինյալների: