Դաշնակցությունն իր վերջնական խոսքը կասի Արցախի կառույցի բարձրագույն ժողովից հետո

Այսօր Արցախի Հանրապետության նախագահի խորհրդական Արթուր Աղաբեկյանը գրառում է կատարել իր ֆեյսբուքյան էջում` նշելով.  «Երկրի հաջորդ նախագահը պետք է լինի Արայիկ Հարությունյանը, և հիմա հայտարարում եմ՝ Արայիկ Հարությունյանը չունի այլընտրանք»:

Yerkir.am-ի հարցին, թե արդյո՞ք դա Դաշնակցության տեսակետն է, ՀՅԴ Արցախի Կենտրոնական կոմիտեի ներկայացուցիչ Դավիթ Իշխանյանը պատասխանեց. «Դա Դաշնակցության տեսակետը չէ: Արթուր Աղաբեկյանը որոշ ժամանակ է, ինչ չի անդամակցում ՀՅ Դաշնակցությանը: Նա  արտահայտել է իր անձնական կարծիքը: 2020թ. նախագահական ընտրությունների վերաբերյալ Դաշնակցությունն իր վերջնական խոսքը կասի առաջիկայում կայանալիք` ՀՅԴ Արցախի կառույցի բարձրագույն ժողովից՝ Շրջանային ժողովից հետո»: