Այդ պաշտոնում անկողմնակալություն և անաչառություն է պահանջվում. Տիգրան Ավինյանը` Արթուր Գրիգորյանի պաշտոնանկության պատճառների մասին

Այսօր լրագրողները փոխվարչապետ Տիգրան Ավինյանից հետաքրքրվել են, թե ինչու՞ աշխատանքից հեռացվեց Բնապահպանության և ընդերքի տեսչական մարմնի ղեկավար Արթուր Գրիգորյանը:

Տիգրան Ավինյանը նշեց, թե Արթուր Գրիգորյանը զբաղեցրել է  վարչական պաշտոն: Նրա խոսքով դա մի պաշտոն է, որը պահանջում է այդ ոլորտում փորձ:

«Մենք նպատակահարմար չենք համարել պարոն Գրիգորյանի պաշտոնավարումը, որովհետև չենք տեսել, որ իր պաշտոնավարումը համապատասխանում է այն պաշտոնին, որին ինքը նշանակված է, վարչական պաշտոնում անկողմնակալություն ու անաչառություն է պահանջվում, որպեսզի հստակ այդ բալանսը կարողանանք գտնել և լիազորությունների շրջանակից երբևէ դուրս չգաս»-ասաց նա: