Դա Մանվել Գրիգորյանի ժեստն է, մեծ սիրտն է. պաշտպանը` Գրիգորյանի` պետությանը գույք նվիրաբերելու մասին

Դա Մանվել Գրիգորյանի ժեստն է, մեծ սիրտն է, նա հայրենիքին ավելի շատ տվել է, քան վերցրել է հայրենիքից. ի պատասխան լրագրողների հարցին` Գրիգորյանն ինչո՞ւ է որոշել գույք նվիրաբերել պետությանը, ասաց նրա պաշտպան Արսեն Մկրտչյանը:

«Սա արել է նրա համար, որ ասի` ամոթ է, մեղադրում են ինձ հացահատիկ գողանալու մեջ, երբ ես պատրաստ եմ հացահատիկի մեծ մեշոկները նվիրել պետությանը»,- պարզաբանեց նա:

Հարցին էլ` ինչո՞ւ նախկինում չէր նվիրաբերում, Մկրտչյանն արձագանքեց. «Նախկինում էլ բազմաթիվ հիմնադրամների Մանվել Գրիգորյանի ընտանիքն ունեցել է  մասնակցություն, ԵԿՄ-ին անձնական միջոցներից նրա ընտանիքը և անձամբ Գրիգորյանը մասնակցություն է  ցուցաբերել, պատանի երկրապահի ամառային ճամբարը  ֆինանսավորվել է հիմնականում Մանվել Գրիգորյանի սեփական միջոցներով: Չէի ցանկանա անդրադառնալ ֆիզիկական անձանց Գրիգորյանի ցուցաբերած բարեգործություններրին»:

Հիշեցնենք, որ Մանվել Գրիգորյանը դիմել էր կառավարությանը՝ պատրաստակամություն հայտնելով պետությանը նվիրել Ակնալիճ համայնքում գտնվող «Ակնալճի կուղբաբուծական տնտեսություն» ընկերության շուրջ 330 հեկտար տարածքը: