Հայտնել եմ դեմ քվեարկելու պատճառները, և այդ պատճառների փոփոխության հիմք չկա. Գևորգ Կոստանյան

ՀՀԿ խմբակցության պատգամավոր Գևորգ Կոստանյանը հավաստիացնում է, որ իր այն հայտարարությունը, թե բացառում է, որ իր խմբակցությունը կքվեարկի Նիկոլ Փաշինյանի օգտին, վերաբերում էր մայիսի 1-ի ընտրություններին: Խորհրդարանում լրագորղների հետ զրույցում նա ասաց. «Իմ դիտարկումը եղավ, բայց իմ հայտարարությունն ամսի 8-ի քվեարկության հետ ընդհանրապես առնչություն չունի, դա վերաբերում էր ամսի 1-ի քվեարկությանը»:

Պատգամավորն ասաց, որ խմբակցությունը քննարկել և ամսի 8-ի ընտրության հետ կապված իր դիրքորոշումը հայտնել է: Իսկ թե ինչպես է ինքը պատրաստվում քվեարկել, հայտնեց` երբ ժամանակը կգա, կտեսնեն: «Ես հայտնել եմ իմ` դեմ քվեարկելու պատճառները, և դեռևս այդ պատճառների փոփոխության հիմք չեմ տեսնում»,- ասաց նա:

Հարցին էլ` խմբակցության դիրքորոշման փոփոխությունն ինչո՞վ է պայմանավորված, Կոստանյանը պատասխանեց, որ խմբակցությունը շատ սպառիչ պատասխան է տվել: «Ի՞նչ եք ուզում` ես պատասխանեմ»,- եզրափակեց նա: