Բարձրացված կենսաթոշակի, ծերության նպաստների պատճառով սոցիալական նպաստից չեն զրկվի

Կառավարություն այսօրվա նիստում ««Պետական նպաստների մասին» ՀՀ օրենքի կիրարկումն ապահովելու մասին» որոշման մեջ փոփոխություն կատարելու որոշում ընդունվեց:

Դրա համաձայն` ընթացիկ տարվա հունվարից կենսաթոշակի, ծերության, հաշմանդամության և կերակրողին կորցնելու դեպքում նպաստների չափերի բարձրացման պատճառով մարդիկ չեն զրկվի ընտանեկան կամ սոցիալական նպաստ ստանալու իրավունքից:

Աշխատանքի և սոցիալական հարցերի փոխնախարար Արսեն Մանուկյանը նշեց, որ հունվարի 1-ից բարձրացել է կենսաթոշակի, ծերության, հաշմանդամության և կերակրողին կորցնելու դեպքում նպաստների չափը` դարձել 25 500 դրամ: Սա, ըստ նրա, կարող է անդրադառնալ բազմաթիվ ընտանիքների ընտանեկան կամ սոցիալական նպաստի իրավունքի վրա: «Այսինքն` սրա հետևանքով ընտանեկան կամ սոցիալական նպաստից մի շարք ընտանիքներ կարող են զրկվել: Իսկ վերոնշյալ փոփոխությունով հնարավոր կլինի պահպանել նպաստը»,- ասաց Մանուկյանը: