Ընդդիմություն լինելը հայտարարելով չէ, երդումներ ուտելու անհրաժեշտություն չեմ տեսնում. Նաիրա Զոհրաբյան

ԱԺ ԲՀԿ խմբակցության պատգամավոր Նաիրա Զոհրաբյանը պնդում է, որ ընդդիմությունը հայտարարելով չէ, ընդդիմությունը քաղաքակամ առկա իրողություններով է, ընտրությունների արդյունքով է։  Այս մասին նա հայտարարեց խորհրդարանում լրագրողների հետ զրույցում` պատասխանելով հարցին` ինչու մինչ օրս չեն հայտարելել, որ ԲՀԿ-ն ընդդիմություն է։

Ատգամավորը նշեց, որ ԱԺ նոր կանոնակարգ օրենքը նման բան չի պահանջում: «Նախկին կանոնակարգն էր պարտադրում, որ ԱԺ աշխատանքների սկզբում հայտարարվեր, թե ինչ դիրքավորում ունես։ Ընտրությունների արդյունքով կա հստակ մեծամասնություն, որը ձևավերելու է իշխանություն։ Որևէ քաղաքական ուժը, որն իշխանության մեջ չէ, բնականաբար, ընդդիմություն է, սա քաղաքական պարզ աքսեոմ է, և երդումեր ուտելու, ավետարանի վրա երդվելու անհրաժեշտություն չեմ տեսնում»,- շեշտեց նա։

Զոհրաբյանը նշեց, որ համակարծիք չէ այն տեսակետի հետ, որ ԲՀԿ-ն « Իմ քայլը» դաշինքի սիրելի ընդդիմություն է։ «ԱԺ-ում 2 հանձնաժողով և 1 փոխխոսնակ ունենալն ամենևին «Իմ քայլի» սիմպատիայի կամ անտիսմպատիայի արդյունքով չէ, այլ Դոնթի բանաձևով է, Սահմանադրությամբ է»,- ասաց նա։