ԵՄ-ից դուրս գալու վերաբերյալ երկրորդ հանրաքվեն անուղղակիորեն կվնասի Բրիտանիայի քաղաքականությանը. Մեյ

Բրիտանիայի` ԵՄ-ից դուրս գալու վերաբերյալ հարցի շուրջ երկրորդ հանրաքվեն անուղղակի կերպով կվնասի Բրիտանիայի կառավարության քաղաքականությանը: Այս մասին ասել է Բրիտանիայի վարչապետ Թերեզա Մեյը:

Ըստ The Times-ի` Մեյը կոչ է արել չխախտել բրիտանացի ժողովրդին տրված խոստումը` ընդգծելով, որ նոր հանրաքվեն ընտրողների մոտ հարցականի տակ է դնելու ժողովրդավարություն իրականացնելու` պահպանողականների ունակությունը: Նրա կարծիքով` նոր հանրաքվեն կհանգեցնի երկրի պառակտմանը:

Նշենք, որ բրիտանական մամուլը հաղորդել էր, որ երկրի կառավարության մի շարք անդամներ քննարկում են Brexit-ի շուրջ հերթական հանրաքվեն իրականացնելու հնարավորությունը: