Коммерсантъ-ի անդրադարձը ՀՀ ԱԺ ընտրություններին

ՀՀ-ում երեկ կայացան ԱԺ արտահերթ խորհրդարանական ընտրություններ, որոնք համաշխարհային, այդ թվում` ռուսական առաջատար ԶԼՄ-ների ուշադրության կենտրոնում էին: Անդրադարձողների թվում էր նաև ռուսական Коммерсантъ-ը:

Թերթը ուշադրություն  է հրավիրում այն հանգամանքին, որ ընտրություններին մասնակցածների թիվն ավելի քիչ է եղել,  քան նախորդ ընտրություններին:

Քաղտեխնոլոգ Կարեն Քոչարյանը թերթի հետ զրույցում ասել է, որ դրա վրա ազդող մի քանի գործոն կար` նախընտրական կաշառքի բացակայություն, վատ եղանակային պայմաններ, քանի որ հայերը ձմռանը չեն սիրում տանից դուրս գալ, և այն, որ շատերը մտածում էին, որ ամեն ինչ որոշված է:

Թերթի թղթակիցները հարցում են անցկացրել Երևանում և լսել գրեթե մեկ պատասխան` մարդիկ փոփոխություններ են ուզում:

Թերթը նաև ուշադրություն է դարձնում այն հանգամանքին, որ այդ ընթացքում կալանքի տակ հայտնվեցին Ռուսաստանի ընկերները` նկատի ունենալով ՀՀ երկրորդ նախագահ Ռոբերտ Քոչարյանի և  ՀԱՊԿ գլխավոր քատուղարի Յուրի Խաչատուրովի գործերը: Մինչդեռ «Իմ քայլ»-ը դաշինքից Ալեն Սիմոնյանը թերթի հետ զրույցում վստահեցրել է, որ ՌԴ-ի հետ հարաբերությունները «հիանալի են և գործընկերային»:

Նշենք, որ Лента.ру-ն իր անդրադարձում գրում է, որ Հայաստանի Հանրապետական կուսակցությունը հավաքել է 4,7 տոկոս ձայն, ինչը նրանց համար քաղաքական մահ է երաշխավորում: