Ռոբերտ Քոչարյանը դեկտեմբերի 9-ին տեխնիկապես կարող է քվեարկել, այլ հարց է՝ կցանկանա՞. Հայկ Ալումյան

Ռոբերտ Քոչարյանը տեխնիկապես կարող է մասնակցել դեկտեմբերի 9-ին կայանալիք ընտրություններին և կատարել իր քաղաքացիական պարտքը, այլ հարց է` կցանկանա՞, թե՞ ոչ: Այս մասին լրագրողների հետ զրույցում ասաց Քոչարյանի փաստաբան Հայկ Ալումյանը՝ պատասխանելով անձնագրի հետ կապված հարցին:

Հիշեցնենք, որ Ռոբերտ Քոչարյանի անձնագրերն իրավապահների մոտ են, ինչը փաստաբաններն ավելի վաղ համարել են ապօրինություն:

«Կարող ենք տեխնիկական մասն ապահովել, ուրիշ բան է՝ նա կցանկանա՞: Շատ տարբերակներ կան, այդ թվում դիմել, վերցնել, գնալ մասնակցել և այլն»,- ասաց Ալումյանը:

Ըստ նրա` Քոչարյանն անձնագրերի հետ կապված խնդրի պատճառով չի կարողացել բուժման նպատակով Մյունխեն մեկնել: «Շատ ծանր չտարանք, և սրանից մեծ խնդիր չենք ստեղծի, քանի որ խախտումներն առանց այն էլ շատ են: Այնպիսի սաստիկ խախտումներ կան, որ դրանց ֆոնին սա գրեթե ոչինչ չնշանակող խախտում է»,- ասաց Ալումյանը: