Ինչի համար գնացել էի, այդ արդյունքով էլ հետ վերադարձա. Սիմոն Մարտիրոսյան

«Զվարթնոց» օդանավակայանում այսօր դհոլ-զուռնայով դիմավորեցին հայ ծանրորդներին, որոնք Աշխաբադում մասնակցում էին ծանրամարտի աշխարհի առաջնությանը:

Հիշեցնենք, որ Սիմոն Մարտիրոսյանը 109 կգ քաշային կարգում դարձել է աշխարհի չեմպիոն` 435 կգ ռեկորդային արդյունքով:

Մարտիրոսյանը նշեց, որ ինչի համար գնացել էր, այդ արդյունքով էլ հետ է վերադարձել հայրենիք: «Շատ ուրախ եմ դրա համար ու շատ հպարտ եմ: Իմ ռեկորդային արդյունքը միմիայն քրտնաջան աշխատանքի և մարզիչների խորհուրդների շնորհիվ էր: Ես պատրաստվել էի, գնացի ու արեցի: Եթե անվստահություն լիներ, չէի էլ գնա»,- ասաց նա:

Մարտիրոսյանը 2016 թվականի 31-րդ ամառային օլիմպիական խաղերի արծաթե մեդալակիր է, Եվրոպայի` 2017 թվականի չեմպիոն, իսկ 2014 թվականին դարձել էր պատանեկան օլիմպիական խաղերի հաղթող: