Սալոմե Զուրաբիշիլիին թաքցրե՞լ են

Շատ տաօրինակ բան է կատարվում. նախագահի թեկնածու Սալոմե Զուրաբիշվիլիին թաքցրել են, և մենք ստացել ենք հարսանիք` առանց հարսի: Այդ մասին լրագրողներին ասել է «Ազգային շարժում» խմբակցության նախագահ Ռոման Գոցիրիձեն. հայտնում է Грузия-Онлайн-ը:

«Թող ցույց տան նախագահի թեկնածուին… Մի’ փակեք նրան տանը, թող հանդիպի ընտրողների, մեդիայի ներկայացուցիչների հետ: Չգիտեմ` մինչև ե՞րբ նրանք կարող են թաքցնել նրան»,- ասել է նա:

Հիշեցնենք, որ Վրաստանում պետք է կայանա նախագահական ընտրությունների երկրորդ փուլը: Հիմնական մրցակիցներն են Սալոմե Զուրաբիշվիլին, որին աջակցում է իշխող «Վրացական երազանք» կուսակցությունը, և Գրիգոլ Վաշաձեն, որը երկրի նախկին նախագահ Միխեիլ Սահակաշվիլիի թիմակիցն է: