Ռուսական ռազմաբազա Բելառուսում հարկավոր չէ. Լուկաշենկո

Բելառուսի նախագահ Ալեքսանդր Լուկաշենկոն հայտարարել է, որ չի տեսնում երկրում ռուսական ռազմաբազա տեղակայելու անհրաժեշտություն, քանի որ Մինսկն ի վիճակի է սեփական ուժերով ապահովել անվտանգությունն իր տարածում. հայտնում է РИА Новости-ն:

«Շատ հաճախ քննարկվում է Բելառուսի տարածքում ռուսական ռազմաբազայի խնդիրը: Շինծու խնդիր է… Մենք ռազմաքաղաքական դաշինքի մեջ ենք ՌԴ-ի հետ. կլինի այստեղ ռազմաբազա, չի լինի, տարբերություն չկա: Մենք այդ բազան չենք տեղակայում այստեղ ոչ թե այն բանի համար, որ ցանկանում ենք ցույց տալ, որ սուվերեն ենք, անկախ ենք, այլ այն պատճառով, որ դա պարզապես հարկավոր չէ»,- նշել է Լուկաշենկոն Մինսկում ամերիկացի վերլուծաբանների հետ հանդիպման ժամանակ: