Միջուկային համապարփակ համաձայնագրի հետ կապված` ԱՄՆ-ի վերաբերմունքը թուլության նշան է. Իրանի ԱԳ նախարարի տեղակալ

Միջուկային համապարփակ համաձայնագրի հետ կապված` ԱՄՆ-ի վերաբերմունքը թուլության նշան է: Այս մասին, ըստ Թեհրանում լուսյ տեսնող «Ալիք» թերթի, հայտարարել է  Իրանի ԱԳ նախարարի քաղաքական հարցերով տեղակալ Աբբաս Արաղչին` նշելով, որ ԱՄՆ հակաիրանական պատժամիջոցների դեմ եվրոպացիների դիմակայությունը վկայում է այն մասին, որ Թրամփին չի հաջողվել իրագործել իր նպատակները:

«ԱՄՆ-ը ջանք չխնայեց միջազգային հանրությանն իր հետ համաքայլ դարձնելու համար: Բայց, Իսրայելից եւ Սաուդյան Արաբիայից բացի, որևէ այլ երկիր չընկերակցեց նրան: Սա ԱՄՆ քաղաքականության ձախողման մասին է վկայում»,- ասել է իրանցի բարձրաստիճան դիվանագետը:

Նա նշել է, որ Վաշինգտոնն արեց հնարավոր ամեն ինչ Միջուկային համապարփակ համաձայնագիրն առ ոչինչ դարձնելու համար:  «Միջազգային հանրությունը, սակայն, դիմակայեց դրան: Ի դեպ, չեմ հիշում, թե երբևէ որևէ երկրի նախագահ ելույթ ունենա ՄԱԿ-ի Գլխավոր ասամբլեայում և ծաղրուծանակի առարկա դառնա»,- ասել է Արաղչին՝ հավելելով, որ եվրոպական կողմի` ԱՄՆ հակաիրանական պատժամիջոցների հետ կապված մերժողական վերաբերմունքը վկայում է այդ երկրի տնտեսական հեգեմոնիայի անկման մեկնարկի մասին: