Սկանդալ` ՖԻՖԱ-ի նախագահի շուրջ

ՖԻՖԱ-ի նախագահ Ջաննի Ինֆանտինոն մեկնաբանել է ԶԼՄ-ների` իրեն ուղղված մեղադրանքները. հայտնում է Газета.ру-ն:

Ըստ արտասահմանյան պարբերականների տվյալների` ֆեդերացիայի նախագահը Եվրոպական ֆուտբոլային ասոցիացիաների միության գլխավոր քարտուղարի պաշտոնը զբաղեցնելու ժամանակ օգնել է «Մանչեսթեր Սիթի»-ին և ՊՍԺ-ին` խուսափել  ֆինանսական խախտումների համար պատժից:

«Իրերի դասավորության փոփոխությունը, առաջ շարժվելը, լավագույն արդյունքների հասնելու նպատակով մարդկանց միավորումը միշտ մարտահրավեր է: Եվ քանի որ մենք վճռականորեն բարեփոխումներ ենք իրականացնում ՖԻՖԱ-ում, միշտ հասկացել եմ, որ կհանդիպեմ դիմադրության, հատկապես` նրանք կողմից, ովքեր այլևս չեն կարող շահ ունենալ համակարգից, որի մասը եղել են»,- ՖԻՖԱ-ի կայքը մեջբերում է Ինֆանտինոյի խոսքերը: